作為一個長期喺屋企工作、要開大量線上會議嘅人，我最怕街外噪音搞到聽眾受滋擾。試過唔少會議揚聲器，今次終於試到Jabra 嘅新作 Speak2 75。科技真係年年進步，今次呢部機又再推高咗專業設備嘅門檻。以下就同大家拆解，點解我覺得呢部「會議神器」值得推薦畀需要專業流動設備嘅打工仔。
音質完勝：開會聽歌兩得掂
如果你想要一部聲靚、駁線靈活嘅會議揚聲器，Speak2 75絕對值得考慮。佢支援藍牙/USB-C/A接駁，65mm全頻喇叭人聲自然，播音樂都唔會「拆」。最正係四個波束成形降噪咪，2.5米內收音清晰，試過有洗街車經過，對方完全聽唔到我呢邊嘅雜聲！廠方話用咗「超寬頻音訊」技術，實際用落真係連對方吞口水聲都聽到，開會成日被問「你係咪喺錄音室？」
駁線設計有心思：跟機USB線暗藏玄機
我測試嘅係有線版本（冇跟Dongle），條USB-C線自帶轉插頭，直插舊款USB-A都得，唔使驚唔見轉插。線身夠長之餘，機側仲有收納凹位，用完可以捲埋一齊，桌面即刻企理晒！無線版更誇張，叉滿電頂到32個鐘，配合Jabra Link藍牙接收器仲可以隔成30米用到，啱晒要四圍走嘅同事。
獨家「光環提示燈」：一眼睇穿收音質素
全機最搶眼係邊緣嗰圈RGB燈——唔係for型，而係實用嘅「收音質素監測器」！綠燈代表完美收音，轉黃即提示要調整位置，變紅就快啲搬近部機啦。呢個功能要喺Jabra Direct軟件度開，開完之後成個會議安心晒，唔使再估估下對方聽唔聽到。
硬淨機身+Teams專用鍵：商務人士最愛
466克重量拎上手有份量感，機殼防指紋材質睇落專業。隨機送嘅保護套夠厚身，放入公事包唔怕撞花。最驚喜係機面專用Microsoft Teams鍵，一撳即入會議，唔使慢慢撳掣。當然Zoom同Google Meet都認證支援，但Teams用家會覺得特別貼心。
近日，Jabra更 推出「永久連結」功能，擴展 Speak2 75 的⾳訊覆蓋範圍與應⽤，滿⾜終端用戶及 IT 設備管理需求。兩台 Jabra Speak2 75 互相連接後，可提供更廣的⾳訊覆蓋範圍。單台 Speak2 75 的⾳訊範圍可達 2.5 公尺，而連結兩台設備後，根據擺放方式，覆蓋範圍可增至兩倍以上。
