【女生必看】可以放落手袋嘅CONVEN Power Gear 10000 Lite3

小編前幾日收到同事俾嘅一個流動電池，本身唔想要，已經有好多power bank，但同事一句：「你試咗先啦！」於是小編就試咗試，又幾鍾意呢個流動電池喎！

今次試嘅係CONVEN Power Gear 10000 Lite3， 由日本設計嘅一款流動電池。 佢有黑同白兩種顏色，作為女仔，梗係鍾意白色多啲，設計簡約又時尚，容易match日常穿搭（黑色比較cool，拎住唔夠可愛 XD）。呢個流動電池有10000mAh電量，充電輸出達18W，支援 QC3.0 / PD3.0 嘅輸出規格。除咗可用一般 USB 插口作輸出外，仲可使用 Type-C 嘅插口為手機充電。

最重要點解小編鍾意佢，就係佢真係好輕巧！細細個，好適合女仔放落袋，唔會阻好多空間，個袋仲可以放到好多其他嘢：粉餅、唇膏、香水、化妝鏡、耳機、酒精搓手液。。。。。。（女仔真係好多嘢要帶 XD）所以一個輕巧嘅流動電池真係好重要！！！所以小編應該會keep 住用佢～～之後有好物再同大家分享！

CONVEN網站傳送門：https://www.conven.cc/products/copy-of-power-gear-10000-lite3