聖誕仲有1個月就到，諗好到時去聖誕派對或者食聖誕大餐個陣著咩好未呢？除左要諗襯咩衫之外，當然唔少得為指甲扮靚靚，換上充滿濃厚節日氣氛嘅「新衣」。今次小編就為大家精選咗10 款人氣聖誕美甲款式，梗有一款啱你心水！
1. 可愛聖誕圖案
講起聖誕，一定會諗起聖誕老人、聖誕樹、薑餅人、馴鹿等等嘅得意元素，不妨將佢哋畫喺指甲上面，相當應節！
2. 復古花磚圖案
「手繪花磚」搭配上紅色同金色，既成熟又復古，如果你唔怕圖案太花巧，咁呢款就啱晒你啦！
3. 毛衣編織款
呢個其實喺立體編織美甲，模仿冬天毛衣嘅編織圖案，睇到都已經覺得暖笠笠~
4. 秋冬格紋
想保留聖誕節氣息，又不想要太浮誇嘅圖案，揀長青格仔款就一定唔會有錯，無論喺紅色配啡色，定喺紅色配綠色都有一樣咁靚！
5. 浪漫雪花主題
講起冬天，最浪漫嘅事梗喺去旅行睇雪啦！不過疫情關係，無得出國旅行，唯有喺指甲上面整個雪花主題，用上透明或者藍色做主題，打造清新嘅風格。
