聖誕爆房攻略

又到聖誕又到聖誕，往年聖誕都仲可以話就咁安排個trip等隻乸唔好煩，但今年..無啦無啦，唔好講台灣，連馬交都冇得去..你唔花D心機，以後嘅日子認真難挨，我哋嘅女編輯就已經寫左篇女朋友最想收到咩聖誕禮物？(其實係佢自己最想要嘅聖誕禮物囉) 今時今日嘅港男真係好慘，你以為有禮物就夠？話晒往年你都係帶住佢周遊列國，係不一樣嘅星空下感受異國嘅聖誕氣氛，如果你以為一份禮物+聖誕大餐就可以平安過渡，少年你太年輕了又或你真係單身太耐唔熟行情。如果你真係想平安過渡平安夜再係扑性Day開心拆禮物，你唔Book定間房都冇得搞呀！好喇唔講咁多，一於講幾間我覺得安全系數高又懶有心思嘅酒店。

1. 香港迪士尼樂園酒店 – 如果你隻乸係果種享往童話式愛情嘅，迪迪尼就絕對安全，但同時，迪迪尼個價錢對個銀包就唔多安全，你想你自己安全定銀包安全，自己量力以為啦。

2. 大澳文物酒店 – 講真，聖誕市區嚟嚟去去都係市區食大餐睇燈飾，佢唔悶你都悶。今個聖誕一於同佢講帶佢去威尼斯，下晝先感受下水鄉嘅良辰美景，睇下日落，夜晚再係佢哋嘅玻璃屋餐廳「Tai O Lookout」一邊睇住星星一邊嘆聖誕大餐，有求婚打算嘅，直頭可以係餐廳拎埋隻ring跪低，星空下的誓言，試問有幾多女人可以頂得住。

3. 香港愉景灣酒店 – 呢間真係主打海景，佢哋嘅房係用落地玻璃 (好似套房先係) ，個別房好似仲有 jacuzzi，出發時，買定D香薰蠟燭，到時dim間D燈，點著D蠟燭，再播D柔情音樂，跟住再輕輕幫佢按摩，幸福就係咁簡單。

4. 露營– 嫌住酒店冇新意，不妨帶佢去野戰！而家去露營唔洗好似以前咁要自己「咩」住個營上山，好多營地都推出左蒙古包、露營車、觀星帳篷，佢哋基本同酒店都冇分別，但要注意嘅係，每個營地提供嘅設施都唔同，book前真係要做捉功課，同埋如果你隻乸怕蛇蟲鼠蟻嘅，你都係唔好駁喇。

5. 市區酒店 – 唔想萬里長征嘅，又或有預算考慮嘅，你不妨考慮下市區嘅唔同酒店，好似香港美利酒店、奕居、香港第二十一威菲路酒店等等都係好多女女鍾意同閨蜜去打卡嘅酒店，呢度我就唔多講，你地自己做下research喇！

其實女人要嘅好簡單，一字記之曰：「心」只要佢哋覺得你有心，你嘅日子就易行好多。同埋，講真..如果真係有心book嘅，真係拿拿臨book喇，你要知道今年全香港都同你一齊逼酒店嫁，先唔講到時有冇房，你遲一日book，個價錢分分鐘都已經貴幾舊嫁！