露營新手必去 坐擁無敵大海景嘅浪茄營地

都市人每日為生活頻頻撲撲，總有想遠離塵囂、休息下嘅時候，但由於疫情關係，又無得出國去旅行放鬆，咁不如就試下發掘香港嘅自然美啦！尤其而家秋風起，就喺露營嘅好時機。

今次要為大家介紹嘅喺新手都Handle 到嘅西貢浪茄營地。首先，你可以喺西貢坐的士到浪茄東壩，車資大概130蚊，然後行大概20 至30 分鐘就入到浪茄營地㗎啦，就算拎住咁重嘅露營用品都唔會太辛苦。沿途仲可以見到萬宜水庫同火山岩添！

以下就同大家分享下新手露營必備嘅裝備：
1. 帳篷
2. 天幕
3. 沙釘
4. 睡袋
5. 照明燈具
6. 折疊桌椅
7. Gas爐+廚具
8. 環保餐具+杯
9. 急救包
10. 茶籽粉（環保洗潔精）

去到浪茄，身為SmarTone 用戶嘅我已經完全收唔到數據，喺無心理準備下，放下手機，成晚就係煮野食、聽海風、傾下計同望下個星空，時間就好快過。

最後，記住自己嘅垃圾自己帶走，唔好為左玩樂而影響大自然嘅環境！