又到聖誕，又到聖誕~ 小編我真係好中意聖誕節。踏入11月就已經開始睇聖誕電影，到12月就開始聽聖誕歌，holiday mood ready!
最近Netflix都上左幾套新既聖誕電影，等我介紹下啦！如果唔中意自己一個人毒毒係屋企睇電影，都可以去睇下我地男編輯就寫既聖誕爆房攻略。
Operation Christmas Drop，內容係講一位政壇助理為左收集證據支持關閉一個位於熱帶地區既美國空軍基地，飛左去當地視策環境，係過程中逐漸對心地善良既上尉產生好感，同埋認識左當地空運既聖誕傳統。個故事可以話係特別少少同埋有啲意義，唔似平時睇開個種傳統聖誕戲。
推介指數：3/5
Holidate呢套電影唔止講聖誕節，仲講埋其他節日，夠曬節日氣氛，劇情講兩個唔中意過節既人走埋一齊，突然萌生一個念頭就係相約每個節日都搵對方陪伴出席各個場合，咁就唔洗驚姨媽姑姐問咁多啦。個人認為呢套劇略嫌有啲平鋪直敘，唔夠驚喜，不過如果你純碎想感受下holiday mood，都可以開黎睇下既。
推介指數：2/5
Netflix最新上映既Jingle Jangle: A Christmas Journey，內容講玩具工匠遭到信任既徒弟出賣，從此鬱鬱寡歡。幾十年後，善良既小孫女帶著滿心好奇，踏入老工匠的生命，為佢帶來新希望。呢套小編覺得係一套適合一家大細睇既合家歡電影，感覺有少少似迪士尼阿拉丁個種歌舞片。
推介指數：4/5
